☉Mostra + encontro con Alejandra Balboa e Pavel Amilcar
☉Sábado 16 de marzo, 19:00h
☉Casa da Cultura de Outes (Avda. de San Campio, 1, 15230, Serra de Outes, A Coruña)
Cando lle permito ao corpo aquilo que digo
– De Alejandra Balboa y Pavel Amilcar
Sinopse:
Alejandra Balboa e Pavel Amilcar entrelazan a danza contemporánea e a música barroca na súa proposta “Cando lle permito ao corpo aquilo que digo” . Un proxecto de investigación sobre o sentido do gusto e o concepto degustación tanto no ámbito da creación artística como na propia linguaxe de movemento, explorando a boca como lugar desde o que florecer.
Esta proposta ten o desexo de adaptarse á peculiaridade arquitectónica, sonora e paisaxística de cada lugar, coa vontade de mimetizar o diálogo artístico co espazo que a acolle, de tal forma que todos os elementos que forman parte, materia, son, espazo, espectadores, teñan a oportunidade de degustar o mollo, o sabor do propio encontro.
“ Saborear el rasa es entrar en uno mismo”
(Abhinavagupta)
Actividade:
De Corpos Presentes convida a Alejandra Balboa e Pavel Amilcar a realizar unha estancia creativa nos espazos culturais do Concello de Outes, entre os días 14 e 16 de marzo de 2024. Ao finalizar estas xornadas de traballo interno, o dúo realizará unha presentación do seu proxecto “Cando lle permito ao corpo aquilo que digo” nunha mostra aberta ao público que terá lugar o sábado 16 de marzo ás 19h na Casa da Cultura de Outes, con entrada de balde.
Agradecemos a colaboración do Concello de Outes por acoller este programa – @outesculturaemocidade
** Esta actividade de De Corpos Presentes conta co apoio da Deputación da Coruña a través das axudas a proxectos singulares de especial interese cultural 2023
©Carlota Mosquera
