Este encontro ‘Abrir o círculo’ ten como artistas convidadas a Cris Balboa, Manuel Parra e Félix Fernández, que propoñen unha “experiencia inmersiva para a creación do manifesto #technocracia”. Trátase de compartir o proceso do seu proxecto technocracia dende a última experiencia vivida no festival corpo(a)terra, coa intención de profundizar na elaboración dun manifesto da festa con prácticas abertas ás participantes do encontro, tentando responder as seguintes preguntas:
technocracia ten un manifesto ou un contramanifesto?
Como pensar no posible neste tempo de festas imposibles?
Como encarnar un manifesto?
Cal é o marco que o sostén?
* O colectivo presentará, nesta mesma data, unha mostra aberta de #Technocracia/Stage 2 / Manifesto, nun evento aberto a público xeral que se pode consultar aquí.
‘Abrir o círculo’ se propón como unha sorte de clube cultural, un grupo de estudo, un espazo para a celebración de encontros periódicos con artistas das artes performativas –ou que traballan o campo da performatividade–, que son convidadas a compartir un tempo dirixido ao intercambio de saberes con outras persoas interesadas ou dedicadas á creación e/ou profesionais doutras disciplinas con intereses vencellados. Máis información do ciclo ‘Abrir o círculo’ aquí.
Dirixido a: persoas interesadas nos procesos artísticos contemporáneos: artistas e traballadoras culturais, estudantes de artes, profesionais doutras disciplinas con intereses vencellados, ou persoas interesadas ou curiosas nas dinámicas de creación.
Inscricións: a asistencia é gratuita. O número máximo de participantes é de 15 persoas, con inscrición previa a través deste FORMULARIO.
Espazo: Almacén, NORMAL
Data e horario: Venres 11 de decembro, de 10.00 a 13.00 h
