Lugar e horarios (9h de formación):
-
Sábado 26 marzo, de 12:00-14:30 y de 16:30 a 19:30
-
Domingo 27 marzo, de 11:00 a 14:30
-
Laboratorio Escénico Coop, A Coruña
-
Info e reservas: formacion@
laboratorioescenicocoop.com
Como converterse en virtuosa é unha proposta da coreógrafa italiana residente en Madrid Annika Pannitto. Unha ocasión para observar distintos procesos de produción do movemento, o workshop estará enfocado ao estudo, á observación e á escoita do que pasa -no espazo do corpo, o espazo físico, o espazo entre os corpos- cando se inicia unha danza. O obradoiro divídese nunha parte de adestramento técnico en que se utilizan distintos principios de movemento, e unha parte de investigación, orientada a articular o corpo de forma máis libre sobre a base de materiais comúns.
Este obradoiro forma parte do proxecto Unha serie de virtuosismos / (A series of virtuosities), da coreógrafa italiana e residente en Madrid Annika Pannitto. Un proxecto do que derivan diversos laboratorios, investigacións e performances arredor da idea de ‘virtuosismo’. En palabras de Annika: «O filósofo Italiano Paolo Virno define ‘virtuoso’ como aquel que ten a capacidade de non deixar pegadas trala súa actividade laboral (2006). A definición de Virno axúdame a ver a danza como o virtuosismo por excelencia, xa que é unha actividade que non deixa ningunha pegada concreta trala súa aparición no espazo. Ademais, só existe porque hai alguén que a mira, é dicir, non pode prescindir do encontro con outras persoas. A proposta baséase nunha práctica que descorteza o corpo para permanecer e soster un estado incerto.»
Este obradoiro está organizado pola plataforma De corpos presentes en colaboración co Laboratorio Escénico Coop., grazas ao apoio da asociación Emprendo Danza a través do seu proxecto Emprendo en Red, que trae a Annika Pannitto á cidade da Coruña.
—-
Annika Pannitto. Nacida en Italia en 1981, Annika é unha coreógrafa, bailarina e investigadora no campo da coreografía contemporánea. Tras unha carreira breve como bailarina para outros coreógrafos, arrancou o seu traballo propio no 2007 e desde entón foi facendo pezas escénicas, site-specific e videodanzas. A súa formación en ballet foi fundamental para a súa comprensión da técnica e como disparador principal para descubrir e estudar prácticas de danza contemporánea, o cal inspirou e influiu a súa procura dun movemento persoal e interese coreográfico. As súas pezas máis tardías “Dances Beneath the Oak” e o proxecto “Piazza” están fortemente informados pola relación entre procura práctica e teórica, o cal arrancou para desenvolver durante o Mestrado de coreografía en ArtEZ en Arnhem onde se graduou no 2014. O seu traballo foi presntado en varias sedes e festivais internacionais, como The Rotterdamse Schowburg, Museo Reina Sofía/Madrid, Diskurs’15/Giessen, Dock 11/Berlin, Santarcangelo Festival, MAK Museum/Wien, Atelier RE.AL/Lisboa e Centro Danza Canal/Madrid. *Máis info en web: https://annikapannitto.com/sobre-cuando-decidi-convertirme-en-virtuosa/
