Cargando Eventos

« Todos los Eventos

  • Este evento ha pasado.

Dedicatoria. Con Sabela Mendoza e Nieves Neira

noviembre 21

Performance-intervención


Un fresco. Catro mans rascan o pigmento que cubre o texto. Palabra entre palabras, fisura. Anuncio dunha escrita incesante, sempre dispoñible, á procura dalgún corpo onde pousar: lectura. Como a noite é precisa para a nudez das primeiras horas do día, rascar o fresco é raiar o día. Neste presente cada vez máis velado, a palabra poética aparece coa potencia pronunciada dun aquí. É só aquí onde tamén está todo o que non existe en ningún outro lugar.

NIEVES NEIRA ROCA § Escritora, xornalista, Nieves Neira Roca é integrante da Fundación Uxío Novoneyra, autor sobre o que escribe unha tese na USC. Codirixe o proxecto editorial Ámboa, que busca crear libros raros e desbordados e que tivo a súa primeira parada na escritora portuguesa Maria Gabriela Llansol. Vén de colaborar nun libro sobre a fotógrafa Maruja Roca para a Central Folque. Formouse en artes do corpo e do movemento e é integrante da asociación 3monos para a promoción das artes escénicas, coa que colabora na organización do festival lugués Cartografía en Movemento. Os seus textos poéticos viron a luz en pequenas edicións que fai manualmente, revistas, colaboracións e recitais.
SABELA MENDOZA FERNÁNDEZ  § Investigadora e xestora cultural, centra o seu traballo nas artes escénicas e na creación contemporánea, especialmente no estudo da danza. Licenciada en Dereito, Máster en Xestión Cultural e Máster en Práctica Escénica e Cultura Visual. Formada en danza clásica e contemporánea. Comeza a traballar como coordinadora de proxectos culturais no 2008 en Madrid, en institucións como a Residencia de Estudiantes, na que coordinou o programa do seu Centenario, ou a empresa i con i, na que dirixiu o Festival Ilustratour. Como profesional independiente ten traballado como curadora, asesora ou xestora para Hablar en Arte, Teatro Pradillo, Consultarte, Proxecta ou o festival Curtocircuíto, entre outras. Desde 2016 vive e traballa en Galiza, onde tamén colabora co coreógrafo Javier Martín e coordina o Taller de público(s) no Teatro Rosalía. No 2016 estrea a performance ‘O público está aquí’, publicada como libro no 2019 (editora Estraperlo). Recentemente pon en marcha De corpos presentes, plataforma galega para as artes performativas contemporáneas. É Vicepresidenta da asociación Emprendo Danza e co-responsable do programa de mediación en danza e artes vivas ‘Cara a unha escena plural‘. Escribe sobre danza en revistas e no seu blogue acuerpodebaile.com.

 

Centro Ágora (2º andar), A Coruña. 

Sábado 21 de novembro de 2020, 10 a 20h

*A performance-intervención sucederá durante toda a xornada de 10.00 a 20.00h, no hall do 2º andar. Dela quedará unha instalación. 

* A entrada é libre e gratuita durante o horario sinalado, non sendo necesario facer reserva previa. Ao longo do día será posible entrar e saír a visitar a intervención libremente.  Para cumprir coas medidas de seguridade, coidarase en todo momento que o número de persoas no espazo non supere o aforo máximo permitido na data de celebración do evento.

 

* En cumprimento da normativa para a prevención da Covid-19, será de obrigado cumprimento:

  • Uso de máscaras en todo momento. Únicamente aquelas persoas que presenten certificación médica oficial poderán acceder sen ela e serán ubicadas en lugares con maior distancia de seguridade do resto do público.
  • Desinfección de mans obrigatoria á entrada do edificio.
  • Restrinxir o máximo a circulación e o movemento no recinto (limitar o máximo o uso dos aseos, so para emerxencias).
  • Para  acceder é necesario aportar un nome e un teléfono de contacto por unidade familiar, estos datos gardaranse únicamente 28 días naturales e soamente se facilitarán ao Sergas en caso necesario de detección dun positivo.
  •  Seguir as indicacións do persoal de conserxería en todo momento.
  • Manter a distancia de seguridade, sobre todo á entrada e saída para evitar aglomeracións.
  • Actuar con responsabilidade

 

Creación: Sabela Mendoza Fernández e Nieves Neira Roca
Residencia: Presente Continuo Camp Lab
Produción e montaxe: Eléctrica
Vídeo: Miguel Carballo Maceiras
Asistencia técnica: Javier Martín
Coordina: De corpos presentes
Organiza: Concellaría de Cultura da Coruña

 

Detalles

Fecha:
noviembre 21
Categoría del Evento:

Organizadores

De corpos presentes
Concellaría de Cultura da Coruña

Lugar

Ágora
Lugar da, Av. Gramela, 17
A Coruña, 15010
+ Google Map
Página Web:
https://www.facebook.com/centroagora/